Fai Historia con nós

O Castelo de Malpaso sitúase no mapa da arqueoloxía medieval

O Geaat organiza este venres e sábado un simposio internacional con este obxectivo

Os días 4 e 5 de maio o Grupo de Estudos de Arqueoloxía, Antigüidade e Territorio Geaat, da Universidade de Vigo, celebra o Simposio Internacional de Arqueoloxía Medieval. Este venres arrancou na Facultade de Historia un programa co que se pretende, a través das achegas de diferentes expertas e expertos, avanzar no coñecemento e valorización do xacemento altomedieval situado nas inmediacións da aldea de San Salvador dos Penedos, en Allariz, e coñecido como Castelo de Mouresiños ou Castelo do Malpaso, onde o Geaat ten desenvolvido diferentes intervencións arqueolóxicas.

Castelo de Malpaso
Leer más...

Unha ventá aberta á historia do Alemán de Camelle

O director da peza e o coguionista falaron deste personaxe e da súa obra

Manfred Gnädinger, máis coñecido como Man ou O Alemán de Camelle, foi un artista alemán que viviu como un anacoreta no pobo de Camelle, na Costa da Morte, ata o seu falecemento no ano 2002. Pola súa obra e pola súa historia persoal, ten atraído a curiosidade do público antes e despois da súa morte. Co obxectivo de afondar na súa figura e na súa produción artística, este luns a Facultade de Historia do campus de Ourense acolleu un acto no que se proxectou o documental sobre el Manfred, home sen paz e se desenvolveu unha charla na que participaron o director do audiovisual, Simón Vázquez, e o seu coguionista, David Formoso.

historia do Alemán de Camelle
Leer más...

Un percorrido polos descoñecidos xacementos arqueolóxicos do campus de Vigo

O 18 de abril celebrouse o Día Internacional dos Monumentos e Sitios

O 18 de abril é o Día internacional dos Monumentos e Sitios, unha conmemoración que neste 2018 ten como lema #heritage4generations. Pero non é necesario desprazarse lonxe para poder coñecer o patrimonio cultura e histórico e, de feito, o campus de Vigo agocha segredos, algúns descoñecidos para a inmensa maioría da cidadanía, pero que son unha mostra de que esta zona estivo habitada dende hai milenios. Unha necrópole megalítica, silos prehistóricos... todos estes elementos foron en 2011 incluídos nun proxecto para a valoración do patrimonio cultural das parroquias de Candeán, Zamáns e Saiáns e algún deles conta na actualidade con paneis informativos que permiten coñecer un pouco mellor a historia desta zona.

Día Internacional dos Monumentos e Sitios
Leer más...

Vellas historias, novas perspectivas

Este mércores arrancou unha nova edición das xornadas 'Cando Mario coñeceu a Clío...'

Este mércores arrancou no campus de Ourense unha nova edición, a sexta, das xornadas Cando Mario coñeceu a Clío..., postas en marcha pola Delegación de Alumnos da Facultade de Historia coa colaboración do seu centro e da publicación El Octavo Historiador, feita por egresados e egresadas desta facultade. Co obxectivo de abordar o pasado pero desde unha perspectiva nova, comezou un amplo programa de conferencias nas que se aborda desde a produción escrita do xurista Manuel Sueiro ata a representación de Vincent Van Gogh en producións audiovisuais.

Sexto capítulo de Cando Mario coñeceu a Clío
Leer más...

Sexto capítulo de 'Cando Mario coñeceu a Clío'

A Delegación de Alumnos da Facultade de Historia organiza unha nova edición destas xornadas

Entre as actividades que cada curso organiza o alumnado do campus de Ourense están as Xornadas Cando Mario coñeceu a Clío..., postas en marcha pola Delegación de Alumnos da Facultade de Historia coa colaboración do seu centro e da publicación El Octavo Historiador, feita por egresados e egresadas desta facultade. Os días 18 e 19 de abril celebrarase a sexta edición dunha iniciativa que trata cada ano de fomentar o achegamento á historia desde un punto de vista diferente.

Sexto capítulo de Cando Mario coñeceu a Clío
Leer más...